Make Daily Notes From Newspaper

न्यूजपेपर मधून नोट्स कसे घ्यावेत?

एम पी एस सी मुख्य व पूर्व परीक्षे मध्ये चालू घडामोडी ला फार महत्व आहे, बरेचसे प्रश्न विचारल्या जातात. त्यामुळे दररोज न्यूजपेपर मधून नोट्स काढणे गरजेचे आहे.  निदान एक तरी इंग्रजी न्यूजपेपर वाचावा. “द हिंदू, द टाईम्स ऑफ इंडिया, इंडियन एक्स्प्रेस” पैकी एक न्यूजपेपर वाचा दररोज.

संपूर्ण न्यूजपेपर वाचणे जरुरी नाही. परीक्षेकरिता काय महत्वाचं आहे तेवढंच वाचलं तरी चालेल.

तुमचं संपूर्ण लक्ष खालील बाबींवर/सेक्शन्स वर असायला पाहिजे:

• मुख्य पेज [Main Page]
• संपादकीय [Editorial]
• न्युज अनालिसिस [News Analysis]
• बिजनेस न्यूज [Business News]
• लेख [Articles]
• खेळ [स्पोर्ट्स]

कोणताही मथळा (टॉपिक) वाचतांना अगोदर त्यावर काही प्रश्न इम्याजीन करावेत, कोणते प्रश्न येवू शकतात हा विचार करावा आणि मग संपूर्ण न्यूज वाचावी. म्हणजे काय होईल की ती न्यूज संपूर्णपणे समजेल व तुम्हीविचारकेलेल्या प्रश्नांची उत्तरे सुद्धा मिळतील.

• दररोज जास्तीत जास्त २ तास घालावेत न्यूजपेपर्स वाचण्यात.
• सेपरेट नोट्स बनवावेत: व्यक्ती, जागा, अवार्ड्स, टर्म्स, इत्यादींसाठी.
• editorial च्या cutting फाईल मध्ये लावणे. प्रत्येक महिन्यासाठी वेगळी फाईल करणे.
• दररोज आल इंडिया रेडियो वरच्या बातम्या जरून ऐकणे. महत्वाच्या बातम्या येत असतील तेव्हाच संपूर्ण लक्ष देवून ऐकणे नाहीतर आपल काम करत राहणे. काम करता करता ह्या बातम्यांकडे लक्ष ठेवता येते. मग दुसऱ्या दिवशी न्यूज पेपर आला की कोणती बातमी येईल हा अंदाज असतोच ना!

ह्या नोट्स ची रिविजन आठवड्यातून एकदा करावी. त्यासाठी फ्रंट लाईन[Frontline], इंडिया टुडे[India Today], काम्पितीषण सक्सेस रीवू[Competition Success Review] , प्रतियोगिता दर्पण[Partiyogita Darpan], ह्यापैकी जी कोणती म्याग्जीन [मासिक] तुम्ही वाचत असाल त्यातून तुम्ही काढलेले नोट्स चेक करून परत लिहून काढावेत, म्हणजेच update करून घ्यावेत.

हे तुम्हाला तोपर्यंत करावे लागेल जो पर्यंत तुमची मुलाखत [Interview ] होत नाही. Interview ही शेवटची पायरी आहे ह्या परीक्षेंची.

आता मला हे म्हणू नका की हे तर खूप झालं, इतके महिने मी हे अस कसं करत बसू!

अरे बाबा, जीवनात काहीपण फुकटात मिळते का? बिचारा भिकारी असून सुद्धा तो जेवू शकत नाही जोपर्यंत भिक मागायचे कष्ट करत नाही; मग तुम्हाला तर जीवघेण्या प्रतीयोगीतेला तोंड द्यायचं आहे आणि सफल व्हायचं आहे!!! कष्ट तर करावेच लागतील, त्याला तोड नाही. जो कष्ट करेल तोच सफलतेच फळ खाईल.

आता हे तुमच्यावर अवलंबून आहे. मी तर न थकता माझे काम करीत जाईल, तुम्ही तुमचे बघा, माझ्यासोबत चालायचे आणि सफलतेच्या उंन्हात न्हावून, उजळून निघायचे की मागे राहायचे आणि असफल्तेच्या अंधारात अदृश्य व्हायचे?

गुड लक मित्रांनो !!!